Tikilluarit

2014-2026-imut Kommunimut pilersaarut Kommunalbestyrelsip ulloq 26. marts 2014 ataatsimiinnermini inaarutaasumik akuersissutigaa. Kommuneplanikkut allaaserineqarput kommunip, ukiuni tulliuttuni 12-ni 2026-ip tungaanut, ineriartornissaanut takorluukkagut anguniakkagullu.

Kommuneplani tassaavoq Qaasuitsup Kommuniata kommuneplania siullerpaaq, tassanilu, kommuniusimasut arfineq pingasut pilersaarutaat, ataatsimoortinneqarput. Aallaavik ataatsimoortumillu tunngavissaq akuersissutigineqarpoq Pilersaarummut suleriaaseq 2020’kkut, tassani kommuni tamakkerlugu takorluugaq ataani takuneqarsinnaasoq akuersissutigineqarluni:

Qaasuitsup Kommuniani inunnut, misigisassanut, ineriartornernullu assigiinngitsorpassuarnut inissaqarpoq.

Inuuniarnernitsinni tunngavigisagut ataqqillugit – pinngortitaq kusanartorsuaq, pinngortitap pissarititai, kulturi asseqanngitsoq – inooriaatsimut nutaamut, ataatsimoorussanut nutaanut, imminut nammattumik nutaaliaasumik ineriartornermut, immitsinnullu inissaqartitsisumik pilersitsivugut.

Takorluukkap oqaasinaaraa: Inuunermut inissaqarpoq.

2014-2026-imut Kommunimi pilersaarut naammasssisaq pisortatigoortumik saqqummiunneqarpoq ulloq 1. maj 2014.

Pilersaarummi aalajangersakkanut Kommunalbestyrelsi inatsisitigut tunngavissaqarsorinngikkukku Qaasutsip Kommunianut naammagittaalliuummik 26. juni 2014-ip tungaanut nassiussisinnaavutit, taakkulu naammagittaalliuut Naalakkersuisunut ingerlatetqqissaqvaat.