Uaniipputit: Saqqaa Illoqarfiit nunaqarfiillu pilersaarutaat Nunaminertanut pilersaarutit Kladdi 1200-E05

1200-E05  Qaatitserutissaasivik

Sumiiffik - illoqarfik / nunaqarfik
Ilulissat

Siunertaq
Teknikkimut atortulersuutit attaveqaatillu

Atorneqarnissaa immikkut ittumik
Teknikkimut atortut

Atorneqarnissaa
Immikkoortortap qanoq atorneqarfissaa aalajangersaavigineqarpoq teknikkikkut siunertanut atugassianngorlugu, atorneqarsinnaallunilu pisortanit siunertarineqartunut kiisalu atortorissaarusiinermut, uani qaartitserutissaasivittut, qaartitserutissanut atortussianullu qaartooratarsinnaasunut toqqorterivittut periarfissalimmik.
Sanaartukkat inissiatut sananeqaateqassanngillat inissiatulluunniit atorneqassanatik.
Nunaminertat illunut sanaartukkanut, atortorissaarusivittulluunniit imaluunniit aqqusinernut il.il. atugaanngitsut pinngortitaassutsimittut isikkoqartillugit attanneqassapput.

Pissutsit atuuttut
Nunaminertap angissusia 18,7 ha-t missiliorpaa.

Sanaartorfik
Sanaartukkat nutaat quleriit ataaseq angullugu portussusilerlugit sanaartorneqarsinnaapput.

Inissaq sinneruttoq
Immikkut aaliangersagartaqanngilaq.

Angallanneq pilersuinerlu
Nunaminertaq angallannikkut atugassaqartitaassaaq immikkoortoq D11 aqqutigalugu nutaamik aqqusinniornikkut.
Aqqusineq nutaaq Mittarfimmut Aqq. attavilerneqassaaq, soorlu ilanngussaq 1-imi takuneqarsinnaasoq.

Eqqissisimatitat allanngutsaaliukkallu
Immikkut aalajangersagartaqanngilaq.

Immikkut aalajangersaaffigisat
Mittarfiit eqqaat piumasaqaatitalinnik killeqarfeqarput, akornusersorneqannginnissamut tunngasunik, ilaatigut narsaamanermut narlusuunut aamma tumaajusannut, ilaatigullu mittarfiup sammiviata nangissutaatut mikkiartortarnermut qangattarsartarnermullu tunngatillugit.
Nunaminertaq akornusersuuteqarfiunngitsussap iluaniippoq, taamaalillunilu mikkiartortarfimmut qangattarsartarfimmullu ilaalluni. Illuliat sanaartukkallu portunerpaaffissaat aam-ma aqqusernit portunerpaaffissaat (kipkote), mittarfimmit qanoq unngasissuseqarnerannut, Ilulissallu qeqqanniit sanimorluinnaq titarlugu ungasissusiannut attumassuteqarput.
Nunaminertaq mittarfimmut akornusersuuteqarfiunngitsummit appasinnerusumiippoq, narsaamanermullu narlusuumut ilaalluni, illut sanaartukkallu allat portunerpaaffissaq (kote) 73,0 meteri aqqusernillu kote 68,0 qaangerlugu pilersitsivigeqqusaanngitsumi.
Qaartitserutissaasivik pillugu isumannaallisaanermut killeqarfiliisoqasimavoq qaartitserutissaasivimmi qaartitserutissanik annerpaamik toqqortaateqatoqarsinnaanera eqqarsaatigalugu:
- 5,0 tons imm. 1
- 16,0 tons imm. 2.
Qaartitserutissaasiviit qaarsumik aalajaatsumik avatangiiseqartillugit taamaalillunilu tamakkiisumik asserneqarsimatillugit, sanaartukkanut avatangiiserisanut il.il. kiisalu aqqusinernut isumannaallisaanermut killeqarifigititaq, assiaqutaasumit tamakkiisumik assiaquteqartuni, assiaqutaasumut sammiveqartuni isumannaallisaanermut killeqarfigititaasoq affaannanngussaaq.
Immikkoortortaq E05.1 pillugu isumannaallisaanermut killeqarfik aalajangersarneqarpoq 760 m kiisalu 380 m, kiisalu immikkoortortaq E05.2 pillugu isumannaallisaanermut killeqarfik aalajangersarneqarpoq 1120 m kiisalu 560 m.
Qaartitserutissaasiviup eqqaani isumannaallisaanermut killeqarfik piffimmi angallattunit ataqqineqassaaq, taamaattumik aqquserngit annikinnerusut inuinnaallu pisuttuartarfii sanaartorneqassatillutik minnerpaamik 80 miiterinik ungasissuseqassapput. Taamaattoq tamanna aqqusinermut attaviliiffiusoq uani eqqorneqanngilaq takuuk nunap assinganik ilanngussaq 1.
Assiaqutserneqarsimanngitsumi kikkut tamat angallassinnaanerat suli ammavoq.
Qaartitserutissaavimmik nuussinermi isumannaallisaanermut killeqarfik atorunnaassaaq.

Immikkut aalajangersakkat
Immikkoortortami kapitali 5 naapertorlugu ingerlatsivinnik ingerlatsisinnaaneq ammaanneqarpoq. Qaartitserutissaasiveqarneq avatangiisit pillugit peqqussut kap. 5 naapertorlugu aalajangersaavigineqarsimavoq avatangiisit illersorneqarnissaat pillugu Inatsisartut inatsisaat nr. 9 ulloq 22. november 2011-meersoq naapertorlugu.

Avannaata Kommunia · Postboks 1023 · 3952 Ilulissat · Grønland · www.avannaata.gl · E-mail: plania@avannaata.gl · Tlf.: +299 70 18 00
Kommune Qeqertalik · Postboks 220 · 3950 Aasiaat · Grønland · www.qeqertalik.gl · E-mail: plan@qeqertalik.gl · Tlf.: +299 70 19 00
Kingullermik iluarsineqarpoq 20-11-2018