Atorneqarnissaa
Aaliangiunneqarpoq nunaminertaq illuliorfissatut atorneqassasoq, ilaqutariit illuinik akuttusuunik, pukkitsunik illulioriaaseq atorlugu sanaartorfittut
Angallanneq pilersuinerlu
Nunaminertamiit illoqarfimmi nunaminertanut allanut sullissivinnullu, aqqusinernit pioreersut atorlugit attaviliisoqarnissaa, qulakkeerneqassaaq
Immikkut aalajangersaaffigisat
Mittarfiit eqqaat piumasaqaatitalinnik killeqarfeqarput, akornusersorneqannginnissamut tunngasunik, ilaatigut narsaamanermut narlusuunut aamma tumaajusannut, ilaatigullu mittarfiup sammiviata nangissutaatut mikkiartortarnermut qangattarsartarnermullu tunngatillugit.
Nunaminertaq mittarfimmut akornusersuuteqarfiunngitsummit appasinnerusumiippoq, narsaamanermullu tumaajusamik taaneqartartumut ilaalluni, illut sanaartukkallu allat, narsaamanerup narlusuup avasinnersaani killilersutiniit ilorrap tungaanut sivinganerisa, portussutsimikkut qaffasinnerpaaffissaasa (kipkote) assigiinngisitaarfigisaanni.
Immikkut aalajangersakkat
Sannartorfiusimanngitsut attorneqassanngillat allanngortinneqaratillu. . Sanaartukkat nutaat avataani ilutsimut sukangasuumut naleqqussarneqassapput