By- og bygdeplaner

Qaasuitsup Kommunia arfineq pingasunik illoqarfittaqarpoq 32-nillu nunaqarfittaqarluni, sapakkatut nuisatut sinerissami siassimasunik. Tulliuttuni illoqarfiit nunaqarfiillu ilisarnaataat ineriartornissamullu periarfissaat, kiisalu kommuneplanip siunissami atorneqarnissaanut aaliangersakkat, ineriartornerlu allaaserineqassapput.

Illoqarfiit nunaqarfiillu ataasiakkaat nunaminertanut assigiinngitsunik atorneqarfissalinnut aggulunneqarnikuuppuut – nunaminertat illuliorfissat (A), nunaminertat inuussutissarsiuteqarfissat aamma umiarsualiveqarfissat (B), nunaminertat qitiusoqarfiit aamma nunaminertat ataatsimoorfinnut atugassat (C), nunaminertat sanaartorfigeqqusaanngitsut sunngiffimmilu ingerlatanut atugassat (D) aamma nunaminertat teknikkikkut sanaartukkanut angallannikkullu periarfissanut atugassat, tamakkualu aaliangersagartaat pingaarnerit. Aaliangersakkat kommunip nunaminertanik sanaartornissamut akuersissutinik agguaassisarnerani tunngaviupput.

Nunaminertat ilaannut aamma – aaliangersakkat pingaarnerit saniatigut –aaliangersakkat nassuiaasersukkat atuupput. Aaliangersakkat nassuiaasersukkat tassaasinnaapput siusinnerusukkut lokalplaniusimasut imaluunniit kommuneplanip ilassutaasimasut, toqqaannartumik attuumassuteqartut.

Kiisalu illoqarfinnut nunaqarfinnullu arlalinnik aaliangersagaqarpoq tamanut atuuttunik, assersuutigalugu aqqusinernut, biilit unittarfeqarnerinut, qimmeqarnermut, containerinik inissiinernut allanullu tunngasunik. Aaliangersakkat tamanut atuuttut, kommunalbestyrelsip pilersaarusiorneranut, Qaasuitsup Kommunialu tamakkerlugu nunaminertat atorneqarnissaat pillugu aqutsinerani, pituttuisuupput.

Aalajangersakkat nalinginnaasut

Avannaata Kommunia · Postboks 1023 · 3952 Ilulissat · Grønland · www.avannaata.gl · E-mail: plania@avannaata.gl · Tlf.: +299 70 18 00
Kommune Qeqertalik · Postboks 220 · 3950 Aasiaat · Grønland · www.qeqertalik.gl · E-mail: plan@qeqertalik.gl · Tlf.: +299 70 19 00
Kingullermik iluarsineqarpoq 26-11-2015