Begrænset gyldighedsområde
Ulloq 1. januar 2019 aallarnerfigalugu Avannaata Kommunia pillugu pilersaarut 2018-20130 atuutilersinneqarpoq ullorlu taanna aallarnerfigalugu atuutilerluni kommuneplania.avannaata.gl
Tamanna isumaqarpoq, Qaasuitsup Kommunia pillugu pilersaarut 2014-2026 taamaallaat Kommune Qeqertalik kisiat pillugu ulloq 1. januar 2019 aallarnerfigalugu atuutilermat.
Uaniipputit: Saqqaa Asi

Asi

1. Januaari 2011 aallarnerfigalugu, pilersaarusiornermut asimullu akisussaaffik, Naalakkersuisut ataanniissimagaluartoq, kommunip tiguaa, Namminersorlutik Oqartussat asimi soqutigisaat.

Kommuneplanikkut matumuuna Qaasuitsup Kommunia, asimut tunngatillugu, najoqqutassanik aaliangersakkanillu ilanngussaqarpoq, siusinnerusukkut nuna tamakkerlugu maleruaqqusatigut aaliangersarneqartarsimagaluartunik. Taakkua pingaartumik asip immikkuualuttunut aggorneqarneranut tunngassuteqarput aamma nunaminertat pillugit aaliangersakkanut pingaarnernut.

Nunaminertat asimiittut assigiinngitsunut makkununnga aggorneqarput:

  • K – nunaminertat illuaqqanut, sunngiffimmi sammisassaqartitsiviit assigisaannullu atugassat
  • L – nunaminertat sammisassaqartitsinermi immikkut pingaarutilinnut atugassat
  • M – nunaminertat savaateqarnermut, nunalerinermut, imaanik atuinermut, qimmeqarfittut il.il., atugassat
  • N – nunaminertat teknikkimut angallannermi periarfisanut il.il., atugassat
  • O – nunaminertat, sanaartorfigeqqusaanngitsut

Nunaminertat ilarpassui nuna tamakkerlugu maleruaqqusatigut aaliangersagartaqareersut tiguneqarput. Kommuneplanili arlalinnik nutaanik, imaluunnit nunaminertanut allannguutinik, imaqarpoq, matumani nunaminertat K-t amerlanerusut. Siunertarineqartoq tassaavoq, takornariaqarnermik inuussutissarsiutinut tunngatillugu, asimi periarfissanik nutaanik qulakkeerinninissaq. Suliniutit pingaarutillit allat ataavartunik nukissiuuteqarnerup ineriartortinnissaanut, aamma nunalerinermut tunngatillugu, misileraalluni ingerlatanut assigiinngitsunut, tunngasuupput.

Aalajangersakkat nalinginnaasut

Avannaata Kommunia · Postboks 1023 · 3952 Ilulissat · Grønland · www.avannaata.gl · E-mail: plania@avannaata.gl · Tlf.: +299 70 18 00
Kommune Qeqertalik · Postboks 220 · 3950 Aasiaat · Grønland · www.qeqertalik.gl · E-mail: plan@qeqertalik.gl · Tlf.: +299 70 19 00
Kingullermik iluarsineqarpoq 12-6-2017